ye aur baat ki rang-e-bahaar kam hoga – Aanis Moeen

ye aur baat ki rang-e-bahaar kam hoga
nai ruton mein daraKHton ka bar kam hoga

talluqat mein aai hai bas ye tabdili
milenge ab bhi magar intizar kam hoga

main sochta raha kal raat baiTh kar tanha
ki is hujum mein mera shumar kam hoga

palaT to aaega shayad kabhi yahi mausam
tere baghair magar KHush-gawar kam hoga

bahut tawil hai ‘anas’ ye zindagi ka safar
bas ek shaKHs pe dar-o-madar kam hoga

Also Read : Jeevan ko dukh, dukh ko aag aur aag ko paani kehte By Aanis Moeen

Spread the love

Leave a Reply

Your email address will not be published. Required fields are marked *