Ye Dil, Ye Paagal Dil Mera – Mohsin Naqvi Urdu Shayari

ye dil ye pāgal dil mirā kyuuñ bujh gayā āvārgī
is dasht meñ ik shahr thā vo kyā huā āvārgī
یہ دل یہ پاگل دل مرا کیوں بجھ گیا آوارگی
اس دشت میں اک شہر تھا وہ کیا ہوا آوارگی

kal shab mujhe be-shakl kī āvāz ne chauñkā diyā
maiñ ne kahā tū kaun hai us ne kahā āvārgī
کل شب مجھے بے شکل کی آواز نے چونکا دیا
میں نے کہا تو کون ہے اس نے کہا آوارگی

logo bhalā is shahr meñ kaise jiyeñge ham jahāñ
ho jurm tanhā sochnā lekin sazā āvārgī
لوگو بھلا اس شہر میں کیسے جئیں گے ہم جہاں
ہو جرم تنہا سوچنا لیکن سزا آوارگی

ye dard kī tanhā.iyāñ ye dasht kā vīrāñ safar
ham log to uktā ga.e apnī sunā āvārgī
یہ درد کی تنہائیاں یہ دشت کا ویراں سفر
ہم لوگ تو اکتا گئے اپنی سنا آوارگی

ik ajnabī jhoñke ne jab pūchhā mire ġham kā sabab
sahrā kī bhīgī ret par maiñ ne likhā āvārgī
اک اجنبی جھونکے نے جب پوچھا مرے غم کا سبب
صحرا کی بھیگی ریت پر میں نے لکھا آوارگی

us samt vahshī ḳhvāhishoñ kī zad meñ paimān-e-vafā
us samt lahroñ kī dhamak kachchā ghaḌā āvārgī
اس سمت وحشی خواہشوں کی زد میں پیمان وفا
اس سمت لہروں کی دھمک کچا گھڑا آوارگی

kal raat tanhā chāñd ko dekhā thā maiñ ne ḳhvāb meñ
‘mohsin’ mujhe raas aa.egī shāyad sadā āvārgī
کل رات تنہا چاند کو دیکھا تھا میں نے خواب میں
محسنؔ مجھے راس آئے گی شاید سدا آوارگی

محسن نقوی

Also Read : Zikr-e shab-e firaaq – Mohsin Naqvi urdu Poetry

Spread the love
  • 8
    Shares

Leave a Reply

Your email address will not be published. Required fields are marked *